Prezıdent eldiń partııalyq júıesin reformalaý qajettigin durys kóterdi– Azamat Baıtasov
NUR-SULTAN. QazAqparat – Prezıdent zań ústemdigi men adam quqyqtaryn saqtaýdy ustanatynyn taǵy da aıtty. Nur-Sultan qalalyq ákimdigi «Halyqty jumyspen qamtý ortalyǵy» KMM dırektory Azamat Baıtasov osyndaı pikir bildirdi, dep habarlaıdy QazAqparat tilshisi.
«Memleket basshysy Qasym-Jomart Kemeluly Toqaev osy jyldyń 29 qańtarynda « Habar « telearnasyna bergen eksklıýzıvti suhbatynda qazaqstandyqtardy tolǵandyratyn birqatar suraqqa jaýap berdi. Prezıdenttiń sóılegen sózi bizdiń otandastarymyzdyń qyzyǵýshylyǵyn týdyrǵanyn erekshe atap ótkim keledi. Bul áleýmettik jelilerdegi jáne BAQ-daǵy pikirler men kommentarılerdiń edáýir sanynan kórinis tapty. Bul tańqalarlyq jaǵdaı emes. Óıtkeni biz Prezıdenttiń el basyna kún týǵan qaıǵyly kúnderi qabyldaǵan batyl sharalarynyń kýási boldyq. Qasym-Jomart Toqaevtyń batyl is-áreketteri - qoǵamnyń qýatty jáne táýelsiz Qazaqstandy qurýǵa degen suranystaryna bergen erekshe jaýaby. Halyq arasynda bir úmit sáýlesi paıda boldy. Azamattardyń naqty baǵdardy bilgisi keletini jáne jınaqtalǵan áleýmettik máselelerdi sheshýde de osyndaı sheshimdi kútetini tabıǵı nárse. Bul turǵyda, Memleket basshysy taǵy da oryn alǵan oqıǵalardyń baqylaýynda turǵanyn kórsetip, birqatar ózekti suraqtarǵa jaýap berdi», - dedi ol.
Azamat Baıtasovtyń atap ótýinshe, Memleket basshysynyń sóılegen sózindegi mańyzdy sátterdiń biri – máselelerdiń saıası blogy.
«Prezıdent eldiń partııalyq júıesin reformalaý qajettigin atap ótti. Óziniń zań ústemdigi men adam quqyqtaryn saqtaýdy ustanatynyn taǵy da dáleldedi. Sonymen qatar Memleket basshysy ekonomıkalyq blok týraly aıta kelip, kásipkerlik bastamalardy qoldaýǵa basa nazar aýdardy», - dedi mekeme dırektory.
Foto: czn.kz
