Prezıdent eldegi tártipsizdikter kezinde qaıtys bolǵandardyń jaqyndaryna kóńil aıtty

NUR-SULTAN. QazAqparat – QR Prezıdenti Qasym-Jomart Toqaev eldegi tártipsizdikter kezinde qaıtys bolǵan qazaqstandyqtardyń jaqyndaryna kóńil aıtty, dep habarlaıdy QazAqparat tilshisi.

«Táýelsizdiktiń 30 jyldyǵyna oraı sóılegen sózimde zań men tártip elimizdiń ıgiligi men berekesiniń negizgi kepili ekenin aıttym.

Bul tek Qazaqstanǵa ǵana emes, barlyq órkenıetti memleketke tán. Bul azamattardyń bostandyǵy men adam quqyǵyn shekteý degen sóz emes. Kerisinshe, Almatydaǵy jáne Qazaqstannyń ózge de qalalaryndaǵy qaıǵyly jaǵdaı zańnyń saqtalmaýy, shekten shyqqandyq jáne anarhııa adam quqyǵynyń buzylýyna ákep soqtyratynyn kórsetti», - dedi Memleket basshysy Qazaqstan halqyna úndeýinde.

«Almatyda sodyr-lańkesterdiń qolynan ákimshilik ǵımarattar ǵana emes, beıbit turǵyndardyń múlkine de zalal keldi. Sondaı-aq júzdegen beıbit turǵyn men áskerı qyzmetshiniń densaýlyǵy men ómirine qater tóndi. Prezıdent osy tragedııalar kezinde qaıtys bolǵandardyń otbasyna kóńil aıtty», - dedi Prezıdent.