Prezıdent eldegi zań men tártipke qatysty mańyzdy úndeý jasady - senator
ASTANA. KAZINFORM — Senator Zakırjan Kýzıev Memleket basshysy Qasym-Jomart Toqaevtyń quqyq qorǵaý organdarynyń keńeıtilgen alqa májilisindegi sózine qatysty pikir bildirdi.
- Qasym-Jomart Toqaev búgin quqyq qorǵaý organdaryna jáne jalpy eldegi zań men tártipke qatysty mańyzdy úndeý jasady. Prezıdent óz sózinde birneshe negizgi máselelerge nazar aýdardy, - dedi Z. Kýzıev.
Depýtattyń paıymynsha, Memleket basshysy quqyq qorǵaý mekemeleriniń jumysynda kemshilikter bar ekenin eskerdi. Alaıda, jaǵdaıdy tym qaralaý nemese úreı týǵyzýdyń qajeti joq ekenin eskertti.
- Ulttyq birlik pen ortaq borysh jaıynda aıtatyn bolsaq, barsha halyq bir eldiń ókili retinde Qazaqstanǵa adal qyzmet etýge tıis. Bul — ulttyq paryz jáne azamattyq borysh, - dedi senator.
Sonymen qatar Z. Kýzıev Prezıdent qaýipsizdik pen tártipke basym baǵyt retinde ekpin qoıǵanyna toqtala kele, Qazaqstan zań men tártipke negizdelgen qaýipsiz memleket bolýy kerek ekenin aıtty.
- Prezıdent Ákimshiligi men Qaýipsizdik Keńesine 1 apta ishinde quqyq qorǵaý júıesiniń jumysyna qatysty naqty, ashyq taldaý jasaý tapsyryldy. Bul taldaý máselelerdi jasyrmaı kórsetedi. Sheshý joldaryn usynady. Udaıy júrgiziletin júıeli jumys bolýǵa tıis. Basty baǵdar — zań men tártip: memleket damýynyń negizi retinde zań ústemdigi men tártipti ustaný basa kórsetiledi, - dedi senator.
Budan buryn habarlanǵandaı, quqyq qorǵaý organdarynyń keńeıtilgen alqa májilisinde Prezıdent elimizde «Zań men tártiptiń» qatań saqtalýyna qoǵam ókilderiniń qosar úlesi de orasan zor ekenin atap ótti.
Memleket basshysy Qasym-Jomart Toqaev quqyq qorǵaý organdarynyń keńeıtilgen alqa májilisinde ádiletti ári qaýipsiz Qazaqstandy qurý úshin zań men tártip ústemdigin túbegeıli ornyqtyrý kerek ekenin aıtty.