Prezıdent elde salynyp jatqan joldar týraly aıtty

PAVLODAR. QazAqparat - Pavlodardaǵy Ertis óńiriniń ekonomıkasyn jetildirýge damyǵan kólik, logıstıka jelisi yqpal etedi, dep habarlaıdy QazAqparat tilshisi.

«Temirjol, avtomobıl joldaryn ne úshin salyp jatyrmyz? Sebebi, transport - bul ómir. Biz salǵan joldardy shóberelerimiz paıdalanyp, esterine alatyn bolady. Biz nemister salǵan jolymen súısinip júrip júrmiz, al ony Konrad Adenaýer soǵystan keıin salǵan», - dedi Qazaqstan Prezıdenti Nursultan Nazarbaev Pavlodar oblysyn áleýmettik-ekonomıkalyq damytý qorytyndysy boıynsha ótken jıynda.

Sondaı-aq, Memleket basshysy Fransısko Franko saldyrtyp, qazirge deıin qoldanylyp jatqan Ispanııa avtomagıstaldarynyń sapasyn mysalǵa keltirdi.

«Infraqurylym barlyǵy úshin qajet, shekara mańyndaǵy saýda úshin de (...). Reseıdiń 3 oblysymen kórshiles jatyrsyzdar, bul óńirdi, Qazaqstandy damytýǵa kómektesýi tıis», - dep atap ótti Elbasy.