Prezıdent ekinshi deńgeıli bankterdi klıentteriniń shetel valıýtasyn satyp alýyn baqylaýǵa mindettedi
«Memlekettik qatysy bar kompanııalardyń valıýtadaǵy túsimderin satý kólemin ulǵaıtýdy qamtamasyz etý máselesin pysyqtaǵan jón. Jeke jer qoınaýyn ıgerýshiler de óziniń valıýtadaǵy túsimderin satýdy qamtamasyz etedi dep kútemin. Óziniń kelisimshart mindettemelerin oryndaý aıasynda ekinshi deńgeıdegi bankter óz klıentteriniń valıýtany satyp alýyn baqylap, monıtorıng júrgizýi kerek. Bankterdiń osy talaptardy saqtaýyn qadaǵalaý boıynsha qatań baqylaý ornatý qajet», - dedi Qasym-Jomart Toqaev.
Sondaı-aq, ol qarjy salasyn retteýshi úsh organǵa valıýta naryǵyndaǵy alypsatarlyqpen kúresti kúsheıtýdi tapsyrdy.
«Naryqtaǵy spekýlıatsııalar eshbir jaǵdaıda rezervterimizdiń aqtaýsyz «jaǵylýyna» sebep bolmaýǵa tıis. Úkimet, Ulttyq Bank, Qarjy naryǵyn damytý jáne retteý agenttigi osy baǵytta batyl sharalar qabyldaýy qajet», - dedi Memleket basshysy.
