Prezıdent «ekinshi ákim» qyzmetin engizýdi tapsyrdy
Elbasy atap kórsetkendeı, aımaqtardyń ekonomıkalyq áleýetin ósirý mindeti oblystarǵa júkteletin bolady.
«Oblys ákimderi oǵan daıyn ba? Menińshe, aımaqtardaǵy ınvestıtsııa men ındýstrııalandyrý máselelerimen arnaıy maman aınalysýy qajet. Ol - oblys ákiminiń orynbasary bolýy mindet. Ony osy jaqtan jiberý kerek. Indýstrııa jáne jańa tehnologııalar mınıstrliginde isteıtin «Bolashaqtyń» túlegin alýǵa bolady. Ol «ekinshi ákimniń» mindetin atqaryp, tek ındýstrııalandyrý jumysyna ǵana jaýap beretin bolady. Onymen Indýstrııa jáne jańa tehnologııalar mınıstri, sondaı-aq Ekonomıkalyq damý jáne saýda mınıstri qatar jumys isteýi mindet. Ákimderdiń ol jumyspen aınalysatyn ýaqyty joq-aý deımin. Bir aıdyń ishinde Prezıdent apparatyna usynys engizýdi tapsyramyn», - dedi N.Nazarbaev.
