Prezıdent: Egemendik pen Táýelsizdik – bárinen qymbat qazynamyz, eń asyl qundylyǵymyz
ASTANA. KAZINFORM - Memleket basshysy Qasym-Jomart Toqaev Respýblıka kúnine arnalǵan saltanatty jıynda sóılegen sózinde Respýblıka kúni – kúlli halqymyzdyń basyn qosatyn, jalpyulttyq sıpaty bar biregeı mereke ekenine toqtaldy.
-Egemendik pen Táýelsizdik – bárinen qymbat qazynamyz, eń asyl qundylyǵymyz! Sondyqtan memlekettigimizdi kúsheıtip, elimizdiń irgesin bekite túsý – barshamyzdyń qasıetti boryshymyz. Biz egemendikke ata-babalarymyzdyń boıyndaǵy myqty erik-jiger men óshpes rýhtyń arqasynda qol jetkizdik. Halqymyz Táýelsizdik jolynda qurban bolǵan erlerdiń, bostandyq úshin janqııarlyqpen kúresken tulǵalardyń esimin árqashan jadynda saqtaıdy,-dedi Memleket basshysy.
Aǵa býyn tar jol, taıǵaq keshýden ótse de, barlyq syn-qaterdi eńserip, el úshin qajyrly qyzmet etti. Halqymyz, ásirese jastarymyz tól shejiremizdi tereń tanyp, oǵan qurmetpen qaraı bastady. Bul – óte jaqsy úrdis. Shyn máninde, tarıhqa tek birjaqty kózqaraspen qaraýǵa bolmaıdy. Bizdiń tarıhymyz – uly jeńisterdiń, máńgilik muralar men teńdessiz dástúrlerdiń shejiresi.
-Bizdiń tarıhı derekterge toly dańqty jolymyzdy jigerli, tabandy, jasampaz tulǵalar jazdy. Olardyń ómiri men ustanymy – jas urpaqqa úlgi-ónege. Túptep kelgende, eldigimizdiń tuǵyryn memleketshil, otanshyl, parasatty, adal, eńbekqor adamdar nyǵaıtady,-dedi Qasym-Jomart Toqaev.
Osyǵan deıin Prezıdent el damýynyń basty sharttaryn atady.
