Prezıdent EAEO-ǵa kiretin kólikterge qoıylatyn talaptarǵa qatysty qujatqa qol qoıdy

ASTANA. KAZINFORM - Prezıdent Qasym-Jomart Toqaev Eýrazııalyq ekonomıkalyq odaqqa múshe memleketterdiń eýrazııalyq kólik dálizderine kiretin avtomobıl joldarymen júrgen kezde kólik quraldarynyń ruqsat etiletin massalary, ostik júktemesi jáne gabarıtteri týraly kelisimdi bekitý jónindegi Jarlyqqa qol qoıdy.

.

Aqordanyń baspasóz qyzmeti taratqan málimetterge qaraǵanda, atalǵan kelisim 2024 jyly 13 jeltoqsanda Máskeý qalasynda qabyldanǵan bolatyn. Qujat Odaqqa múshe memleketter aýmaǵynda kólik quraldarynyń tehnıkalyq parametrlerine qoıylatyn talaptardy birizdendirýge baǵyttalǵan. 

Ony iske asyrý halyqaralyq avtotasymaldaýshylar úshin teń ári ashyq jaǵdaı qalyptastyrady.

Kelisimniń negizgi maqsattary:

– EAEO-nyń tranzıttik áleýetin tıimdi paıdalaný;

– Eýrazııalyq kólik dálizderi boıynsha halyqaralyq avtomobıl tasymalynyń tıimdiligin arttyrý;

– Avtomobıl ınfraqurylymynyń saqtalýyn qamtamasyz etý;

– Jol qozǵalysy qaýipsizdigin kúsheıtý;

– Kólik qyzmetteriniń sapasyn arttyrý.

Jarlyq tranzıttik tasymaldardy damytýǵa quqyqtyq negiz qalyptastyryp, Qazaqstannyń óńirdegi mańyzdy kólik-logıstıkalyq hab retindegi pozıtsııasyn nyǵaıtady.

Osyǵan deıin Prezıdent Úkimet pen ORES Halyqaralyq damý qory arasyndaǵy jeke sektordaǵy operatsııalardy uıymdastyrý týraly negizdemelik kelisimdi ratıfıkatsııalaý týraly zańǵa qol qoıǵan bolatyn.