Prezıdent EAEO aıasyndaǵy eki kelisimdi ratıfıkatsııalaý týraly zańǵa qol qoıdy
ASTANA. KAZINFORM – Memleket basshysy «Eýrazııalyq ekonomıkalyq odaqtyń kedendik aýmaǵynan áketiletin taýarlardyń shyǵarylǵan jerin aıqyndaýdyń úılestirilgen júıesi týraly kelisimdi ratıfıkatsııalaý týraly» Qazaqstan Respýblıkasynyń Zańyna qol qoıdy.
Sondaı-aq Prezıdent «2021 jylǵy 16 aqpandaǵy Eýrazııalyq ekonomıkalyq odaqtyń tehnıkalyq reglamentteri talaptarynyń saqtalýyna memlekettik baqylaýdy (qadaǵalaýdy) Eýrazııalyq ekonomıkalyq odaqqa múshe memleketterdiń zańnamasyn úılestirý maqsatynda júzege asyrý qaǵıdattary men tásilderi týraly kelisimge ózgerister engizý jónindegi hattamany ratıfıkatsııalaý týraly» Qazaqstan Respýblıkasynyń Zańyna da qol qoıdy.
Zań mátinderi baspasózde jarııalanady.
Aıta keteıik, Memleket basshysy Reseıdiń Úkimet basshysy Mıhaıl Mıshýstındi qabyldady.