Prezıdent Djo Baıdenniń nemeresiniń úılený toıy Aq úıde ótedi

VAShINGTON. QazAqparat – AQSh prezıdenti Djo Baıdenniń úlken nemeresi Naomı Baıden kúzde turmysqa shyǵýyna baılanysty toıyn Aq úıdiń ońtústik bóligindegi kógalda ótkizedi. Bul - Aq úıdegi 2013 jyldan bergi alǵashqy neke qııý rásimi bolmaq, dep habarlaıdy QazAqparat ABC News agenttigine silteme jasap.

28 jastaǵy Naomı Baıden beısenbi kúni Twitter akkaýntynda bylaı dep jazdy: «Neke qııý rásimi qaıda ótetinin belgiledik... Biz Ońtústik kógalda úılenemiz. Óte qatty qobaljyp turmyn».

Buǵan deıin prezıdent Baıdenniń nemeresi men onyń 25 jastaǵy bolashaq kúıeýi Pıter Nıl 19 qarashada Aq úıde úılenedi dep jarııalanǵan edi. Ekeýi de - advokattar.

Prezıdent ákimshiliginiń ókilderi málimdegendeı, Baıdender otbasy toı shyǵynyn ózderi jabady.

Aq úıde buǵan deıin 18 úılený toıy men tórt qabyldaý rásimdelgen. Sońǵy ret munda 2013 jyly prezıdent Barak Obamanyń fotografy Pıt Soýz shańyraq kótergen bolatyn.

Sońǵy qabyldaý 2008 jyly prezıdent Djordj Býshtyń qyzy Djenna Býshtyń toıy aldynda ótti.

Toılar Qyzǵylt baqta bolǵan edi, Aq úıdiń Ońtústik kógalynda eshqandaı neke qııý rásimi ótpegen.

Foto: abcnews.go.com