Prezıdent Dúnıejúzilik klımattyq sammıttiń ashylý rásimine qatysý úshin Dýbaıǵa bardy

Qasym-Jomart Toqaev Klımattyń ózgerýi jónindegi BUU konferentsııasy aıasynda Dýbaıda ótip jatqan Dúnıejúzilik klımattyq sammıttiń ashylý rásimine qatysý úshin Dubai Expo City kórme ortalyǵyna bardy, dep habarlaıdy Kazinform Aqordanyń baspasóz qyzmetine silteme jasap. 

Memleket basshysyn BAÁ Prezıdenti Muhammed ben Zaıd Ál Nahaıan men BUU Bas hatshysy Antonıý Gýterrısh qarsy aldy.

Sammıt aıasynda Qasym-Jomart Toqaev plenarlyq otyrysta sóz sóılep, memleketter jáne bıznes qurylymdarynyń basshylarymen birqatar kezdesý ótkizedi.

Foto: @aqorda_resmi