Prezıdent Dúnıejúzilik ıslam lıgasynyń Bas hatshysyn qabyldady

ASTANA. KAZINFORM – Memleket basshysy Álemdik jáne dástúrli dinder kóshbasshylarynyń VIII cezine qatysý úshin Astanaǵa arnaıy kelgen Dúnıejúzilik ıslam lıgasynyń Bas hatshysy sheıh Muhammed ben Abdýlkarım Ál-Isamen kezdesti.

Prezıdent elimizdiń dinder arasyndaǵy dıalogty damytý bastamasyna udaıy qoldaý kórsetip, beıbitshilik pen kelisim ıdeıalaryn nasıhattaýǵa eleýli úles qosyp kele jatqan uıym basshysyna rızashylyǵyn bildirdi. 

Qasym-Jomart Toqaevtyń pikirinshe, Qazaqstan ishki jáne syrtqy saıasatta dinaralyq, sondaı-aq mádenıetaralyq kelisimdi saqtaýǵa erekshe mán beredi. 

Prezıdent 22 jyldan beri turaqty túrde uıymdastyrylatyn Álemdik jáne dástúrli dinder kóshbasshylarynyń sezi osynyń aıqyn kórinisi ekenin atap ótti. Sonymen qatar ortaq kúsh-jigerdiń arqasynda Qazaqstannyń bastamasy jahandyq qaýipsizdik pen turaqtylyqty nyǵaıtýǵa zor yqpal etetinin aıtty. 

Budan bólek, Memleket basshysy Qazaqstan men Saýd Arabııasy Koroldigi arasyndaǵy yntymaqtastyq odan ári nyǵaıa túsetinine senim bildirdi. 

Dúnıejúzilik ıslam lıgasynyń Bas hatshysy Astanadaǵy dástúrli sezdi adamgershilik qundylyqtaryn dáripteıtin erekshe pikir almasý alańy retinde joǵary baǵalap, elimizdiń ósip-órkendeı berýine tilektes ekenin jetkizdi.

Memleket basshysy álemdegi konfessııaaralyq kelisimdi nyǵaıtýǵa jáne ıslam órkenıetin keńinen tanytýǵa qosqan eleýli úlesi úshin Muhammed ben Abdýlkarım Ál-Isany I dárejeli «Dostyq» ordenimen marapattady.

Aıta keteıik, buǵan deıin Memleket basshysy Qaýipsizdik Keńesiniń kıberqaýipsizdik jónindegi otyrysyn ótkizdi.