Prezıdent: Dúmbilez, alaıaq emshilerdiń kúmándi keńesteri halyqtyń densaýlyǵyna kesel keltiredi

NUR-SULTAN. QazAqparat - Qazaqstan Prezıdenti Qasym-Jomart Toqaev halyqqa telearna jáne áleýmettik jeli arqyly emdelýdiń durys joldaryn úıretýdi júktedi, dep habarlaıdy QazAqparat tilshisi.

«Bedeldi dárigerler telemedıtsına, telearna jáne áleýmettik jeli arqyly emdelýdiń durys joldaryn úıretip, júıeli túrde túsindirýi qajet. Olaı bolmaǵan jaǵdaıda, dúmbilez, alaıaq emshilerdiń kúmándi keńesteri halyqtyń densaýlyǵyna kesel keltiredi», - dedi Qazaqstan Prezıdenti Qasym-Jomart Toqaev Úkimettiń keńeıtilgen otyrysynda.

Memleket basshysynyń aıtýynsha, dárigerlerimizdiń densaýlyǵyn saqtaý, olardyń jumysqa qabilettiligi men yntasyn arttyrý – óte mańyzdy.