Prezıdent: Dostyq úıleri jınalystar men saltanatty jıyndar ótetin zalǵa aınalmaýy tıis
«Besinshi – Assambleıaynyń áleýmettik jáne qoǵamdyq mańyzy bar jobalardy qoldaý tásilderin damytý. Qazaqstan halqy Assambleıasynyń músheleri jyl saıyn kóptegen mańyzdy jobany júzege asyrady. Bul rette olar memleketten aqparattyq qoldaý jáne uıymdastyrý jaǵynan ǵana kómek alady. Mundaı bastamalardy Assambleıanyń halyqtyq jobasy dep ataýǵa bolady. Olardyń avtorlary resmı túrde Assambleıa jobasynyń jetekshisi retinde tanylýy kerek», - dedi Qasym-Jomart Toqaev.
Osyǵan oraı Memleket basshysy beıindi mınıstrlikter ákimdikter kóp adamdy qamtıtyn respýblıkalyq jobalardy júzege asyrý barysynda Assambleıanyń, onyń qurylymdarynyń jumysyna qoldaý kórsetýi tıistigin basa aıtty.
«Dostyq úıleri jınalystar men saltanatty jıyndar ótetin zalǵa emes QHA-nyń halyqtyq bastamalary úshin resýrstyq ortalyqtar jáne jobalyq keńselerge aınalýy tıis. Etnomádenı birlestikter de bul jumysqa belsendi qatysýy qajet», - dedi QR Prezıdenti.
