Prezıdent Donald Trampty quttyqtady

ASTANA. KAZINFORM — Memleket basshysy Qasym-Jomart Toqaev AQSh Prezıdenti Donald Trampty Gaza sektoryndaǵy kópten kútken beıbitshilikti ornatýda eleýli dıplomatııalyq jeńiske jetýimen quttyqtady. Bul týraly Aqordanyń baspasóz qyzmeti málim etti. 

— Qasym-Jomart Toqaev AQSh Prezıdenti saıası erik-jigeriniń myqtylyǵyn jáne halyqtar arasyndaǵy beıbitshilik pen kelisim ornatýǵa shynaıy umtylysyn tolyq tanyta bildi dep sanaıdy, — delingen habarlamada.

Eske sala keteıik, buǵan deıin Prezıdent Qasym-Jomart Toqaev Mysyrda ótken janama kelissózder barysynda qol jetkizilgen Gaza sektoryndaǵy qaqtyǵysty toqtatý jáne tutqynǵa alynǵan adamdardy bosatý týraly kelisimdi qoldaıtynyn jazǵan edik.