Prezıdent Trampty AQSh táýelsizdigine 250 jyl tolýymen quttyqtady
ASTANA. KAZINFORM — Memleket basshysy AQSh Prezıdentine quttyqtaý hatyn joldady.
Qasym-Jomart Toqaev Prezıdent Donald Trampty Amerıka Qurama Shtattarynyń táýelsizdigine 250 jyl tolýymen quttyqtady.
Prezıdent Amerıka halqynyń erkindik, teńdik jáne ádildik qaǵıdattaryna beıil ekenin pash etetin bul aıtýly kúnniń aıryqsha tarıhı mańyzyna nazar aýdardy. Sondaı-aq Memleket basshysy qazaq-amerıka qatynastarynyń qarqyndy damýyna Prezıdent Tramptyń qosqan úlesin atap ótip, keńeıtilgen strategııalyq seriktestikti odan ári nyǵaıtýǵa daıyn ekenin rastady.
Qasym-Jomart Toqaev Donald Tramptyń jaýapty memlekettik qyzmetine tabys, al dostas AQSh halqyna baq-bereke tiledi.
Buǵan deıin Memleket basshysy Belarýs prezıdentin Táýelsizdik kúnimen quttyqtaǵan bolatyn.
