Prezıdent Din isteri jónindegi agenttik qurý qajettigin aıtty
ASTANA. Qazannyń 26-sy. QazAqparat /Ernur Aqanbaı/ - Memleket basshysy Nursultan Nazarbaev Din isteri jónindegi agenttik qurýdy tapsyrdy,
dep habarlaıdy QazAqparat.
«Bizge din isteri jónindegi agenttik qurý qajet. Prezıdent Ákimshiligine Úkimetpen birlesip kelisilgen usynystar berýdi tapsyramyn», dedi Prezıdent búgin Qazaqstan halqy Assambleıasynyń 15-shi sessııasynda sóılegen sózinde.
Elbasynyń aıtýynsha, adamdardy qandaı da bir jat dindi qabyldaýǵa májbúrlemeý qajet. Buǵan dinderdiń ózi tyıym salady. «Sondyqtan jastarǵa aıryqsha nazar aýdarý qajet. Búginde birqatar qazaqstandyq jastar shet elderde dinı bilim alýda. Olardyń shynaıy dinge eshqandaı da ortaq qatysy joq ekstremıstik ıdeıalardyń yqpalyna túsip jatatyn jaǵdaılary da kezdesedi. Bizdiń mańyzdy konfessııalarymyz memlekettik organdarmen yntymaqtasa otyryp, dinge senýshi jastarmen belsendi jumys istep, olarǵa shynaıy dinı bilimdi alýǵa kómekteskeni jón bolar edi», dedi Elbasy.
