Prezıdent Dımashqa tazynyń kúshigin syılady
Qasym-Jomart Toqaev ánshi Dımash Qudaıbergenge tazy kúshigin syılady, dep habarlaıdy Kazinform.
Ol bul jańalyqty Instagram paraqshasynda jetkizdi.
«Dostar, tanysyp qoıyńyzdar, bul — meniń jańa dosym. Tabıǵattyń bul ǵajabyn, ıaǵnı tazy kúshigin maǵan Qasym-Jomart Kemeluly syılady. Tazy — bizdiń ultymyz úshin qundylyq, babadan qalǵan jeti qazynanyń biri. Qazirgi kúni Qazaqstanda tazyny saqtap qalýǵa jáne halyqaralyq dárejede moıyndaýǵa basa kóńil bólinip jatqany qýantady» dep jazdy qazaqstandyq oryndaýshy paraqshasynda.
Onyń aıtýynsha, bul qazaqy tuqym tán sulýlyǵymen, ustamdylyǵymen erekshelenedi jáne óte aqyldy keledi.
«Ata-babamyz tazyny qasterlep, jaqsy kórgen. Bul ıt kıiz úıge erkin kire alǵan, bul onyń tazalyǵyn bildiredi. „Tazy“ ataýy parsy tilinen engen, maǵynasy — shapshań, epti. Osyndaı baǵa jetpes syılyq úshin Prezıdentimizge alǵys aıtamyn! Tazyny Ǵaryshker dep atadyq» dep jazady Dımash Qudaıbergen.
