Prezıdent derekterdi basqarýda vedomstvolardyń jaýapkershiligin arttyrýdy tapsyrdy

ASTANA. KAZINFORM – Qasym-Jomart Toqaev ulttyq esepteýshi ınfraqurylymdy damytýdyń mańyzyna nazar aýdardy. Bul týraly Aqordynyń baspasóz qyzmeti habarlady. 

– Sonymen qatar eki sýperkompıýterdiń iske qosylýy elimizdiń tehnologııalyq derbestigin nyǵaıtý turǵysynan zor strategııalyq mánge ıe ekenin aıtty.

Prezıdenttiń pikirinshe, derekterdi basqarýǵa qatysty jaýapkershilikti bólý qajet. Derekterdiń sapasyna vedomstvolardyń birinshi basshylary jaýap berýge tıis. Derekterdi basqarýdyń memlekettik deńgeıdegi tolyq júıesin qalyptastyrý ony ekonomıkalyq aktıv retinde qarastyrýdyń mańyzdy qadamy bolmaq.

Sonymen qatar baıandamada krıptoındýstrııany damytý máselesi kóterildi. Bul salany retteıtin zańnamalyq ózgerister bıyl mamyr aıynda kúshine enedi.

Prezıdent qarjy salasyn retteýshi organdarǵa Úkimetpen jáne quqyq qorǵaý organdarymen birlesip, tsıfrlyq aktıvter salasyn damytý josparyn ázirleýdi tapsyrdy. Onda qarjy turaqtylyǵyna zııan keltirmeý, alaıaqtyqqa jáne kapıtaldy zańsyz shyǵarýǵa qarsy tıimdi kúres sharalary eskerilýge tıis.

Budan bólek, Memleket basshysy qupııalylyqty saqtaýdyń, derbes derekke zańsyz qol jetkizýdiń kez kelgen túrine tosqaýyl qoıýdyń mańyzyna nazar aýdardy. Prezıdenttiń pikirinshe, jeke málimettiń tarap ketý jaǵdaılary memleketke degen senimdi azaıtady.

Qasym-Jomart Toqaev azamattarymyz jańa Ata zań jobasyn qoldasa, derbes derekterdi qorǵaý konstıtýtsııalyq mindet retinde bekitiletinin jetkizdi, -dedi Qasym-Jomart Toqaev. 

Jıyn barysynda Premer-mınıstrdiń orynbasary – Jasandy ıntellekt jáne tsıfrlyq damý mınıstri Jaslan Mádıev, Oqý-aǵartý mınıstri Juldyz Súleımenova, Ǵylym jáne joǵary bilim mınıstri Saıasat Nurbek, Densaýlyq saqtaý mınıstri Aqmaral Álnazarova, Qarjy mınıstri Mádı Takıev, Ónerkásip jáne qurylys mınıstri Ersaıyn Naǵaspaev, Kólik mınıstri Nurlan Saýranbaev baıandama jasady. 

Buǵan deıin Memleket basshysy Digital Qazaqstan jobasy boıynsha keńes ótkizgenin jazǵan edik.