Prezıdent depýtattardy «AMANAT» partııasynyń qyzmetin jandandyrýǵa shaqyrdy
Qasym-Jomart Toqaevtyń aıtýynsha, Májilis pen máslıhattardaǵy fraktsııalardyń qyzmetin jandandyrý qajet. Partııa janynda túrli keńester men komıssııalar barshylyq. Olarda dál sol máseleler qaıtalanyp talqylanyp keledi, alaıda naqty sheshimder sırek qabyldanady
Prezıdenttiń paıymynsha, depýtattyq fraktsııalar dıalog alańdaryn uıymdastyrý mindetin ózderine alyp, olardyń jumystarynyń qorytyndysy boıynsha naqty nátıjelerge qol jetkizýi tıis.
«Áleýmettik jeliler men qala alańdaryndaǵy qoǵamdyq talqylaýlardy Parlament pen máslıhattarda ótkizgen jón. Bul – asa mańyzdy mindet. Fraktsııalar depýtattyq saýaldarmen shektelip qalmaı, parlamenttik jáne qoǵamdyq talqylaýlar men ashyq pikir-saıystarǵa barýǵa tıis. Qajet bolsa, Úkimettiń naqty músheleri men ákimderge senim máselesin kóterý qajet. Barlyq deńgeıdegi partııa depýtattarynyń reıtıngi aldyn ala daıyndalǵan esepterge emes, naqty ister men azamattardyń máselelerin sheshýge negizdelýi kerek», – dedi partııa Tóraǵasy bılik partııasynyń kezekten tys sezinde.
