Prezıdent Dáýren Qosanovty Qorǵanys mınıstri laýazymynan bosatty
ASTANA. KAZINFORM — Dáýren Jumataıuly Qosanov laýazymynan bosatyldy. Bul týraly Aqordanyń baspasóz qyzmeti málim etti.
— Memleket basshysynyń Jarlyǵymen Dáýren Jumataıuly Qosanov Qazaqstan Respýblıkasynyń Qorǵanys mınıstri laýazymynan bosatyldy, — delingen habarlamada.
Eske sala keteıik, Dáýren Qosanov 3 qyrkúıekte Memleket basshysynyń Jarlyǵymen Qazaqstan Respýblıkasynyń Qorǵanys mınıstri laýazymyna taǵaıyndalǵan bolatyn.
Buǵan deıin Prezıdent Qorǵanys mınıstrligindegi jaǵdaıdy tekseretin komıssııa qurǵan edi.
24 qyrkúıekte Kaspııdegi áskerı oqý-jattyǵý kezinde 17 áskerı qyzmetshini ashyq teńizge alyp ketken bolatyn. Olardyń úsheýi qutqarylyp, 14 áskerı qyzmetshi qaza tapty.
Qyzmetke salǵyrt qarady, korabl júrgizý qaǵıdalaryn buzý boıynsha aýyr zardaptarǵa ákep soqqan qylmystyq quqyq buzýshylyqtar jasady degen kúdikpen Qazaqstan Respýblıkasy Qarýly Kúshteriniń joǵary jáne aǵa komandalyq quramyndaǵy jaýapty laýazymdy tulǵalar ustalǵan bolatyn.
