Prezıdent Darıǵa Tilendıevanyń týǵan-týystary men jaqyndaryna kóńil aıtty

ASTANA. KAZINFORM —  Keshe Nurǵısa Tilendıevtiń jary, belgili mádenıet qaıratkeri Darıǵa Tilendıevanyń dúnıeden ótkeni belgili boldy.

— Prezıdent Qasym-Jomart Toqaev áıgili kompozıtor, «Otyrar sazy» ult aspaptary akademııalyq orkestriniń negizin qalaýshy Nurǵısa Tilendıevtiń jary, belgili mádenıet qaıratkeri Darıǵa Tilendıevanyń dúnıeden ótýine baılanysty týǵan-týystary men jaqyndarynyń qaıǵysyna ortaqtasyp, kóńil aıtty, — delingen Aqordanyń baspasóz qyzmeti taratqan aqparatta.

Eske salsaq, Qazaqstan Respýblıkasynyń Eńbek sińirgen ártisi, aktrısa, kompozıtor Darıǵa Tilendıeva 79 jasqa qaraǵan shaǵynda kóz jumdy.

Osyǵan deıin Memleket basshysy Ázerbaıjannyń Syrtqy ister mınıstrin qabyldaǵanyn jazǵan edik.