Prezıdent Dala Glass áınek óndiretin kásiporyn qyzmetimen tanysty

TARAZ. KAZINFORM - Jambyl oblysynda jumys saparymen júrgen Memleket basshysy Qasym-Jomart Toqaev Dala Glass áınek óndiretin kásiporyn qyzmetimen tanysty, dep habarlaıdy Aqordanyń baspasóz qyzmeti.

Zaýyt bıyl jazda iske qosylǵan. Jobaǵa salynǵan ınvestıtsııa 1 mıllıard teńgeni quraıdy. Jylyna 500 myń sharshy metr áınek shyǵarý josparlanyp otyr. Búginde atalǵan nysanda 50 adam jumys isteıdi.

Qasym-Jomart Toqaev kásiporyn qyzmetkerlerimen áńgimelesip, olardyń eńbegine tabys tiledi.

Aıta keteıik, osyǵan deıin Memleket basshysy «Taraz» shaǵyn ındýstrıaldyq aımaǵyn aralap kórgen bolatyn.