Prezıdent CNPC kompanııasy Dırektorlar keńesiniń tóraǵasy Daı Hoýlıandy qabyldady

Memleket basshysy Qasym-Jomart Toqaev CNPC kompanııasy Dırektorlar keńesiniń tóraǵasy Daı Hoýlıandy qabyldady, dep habarlaıdy QazAqparat.

Kezdesý barysynda Qazaqstan men China National Petroleum Corporation (CNPC) kompanııasynyń munaı-gaz salasyndaǵy yntymaqtastyǵynyń perspektıvasy talqylandy.

Qasym-Jomart Toqaev Daı Hoýlıanǵa kómirsýtegi ken oryndaryn barlaý jáne óndirý jumystaryn jalǵastyrýdyń mańyzdylyǵyn aıtyp, Shymkent munaı óńdeý zaýytynyń óndiristik qýatyn arttyrý jónindegi jobanyń elimiz úshin máni zor ekenin atap ótti.

Sonymen qatar kezdesýde Qytaıǵa gaz eksporttaýǵa jáne Beıneý – Bozoı – Shymkent jańa gaz qubyrynyń jelisin salý jobasyna, sondaı-aq Qazaqstan munaıynyń QHR-ǵa eksport kólemin ulǵaıtýǵa qatysty máseleler qarastyryldy.