Prezıdent Citigroup bankiniń úkimetter men memlekettik sektor jónindegi jahandyq blogynyń basshysymen kezdesti
NUR-SULTAN. QazAqparat - Qazaqstan Prezıdenti Citigroup bankiniń úkimetter men memlekettik sektor jónindegi jahandyq blogynyń basshysy Djýlı Monakomen kezdesti, dep habarlaıdy Aqordanyń baspasóz qyzmeti.
Qasym-Jomart Toqaev EXPO-2017 kórmesine jáne AHQO basqarý jónindegi keńestiń jumysyna belsendi qatysqany úshin Citigroup basshylyǵyna rızashylyq bildirdi. Qazaqstan Prezıdenti banktiń Qazaqstanǵa ınvestıtsııa tartý jáne ınnovatsııalyq jobalardy júzege asyrý isindegi úlesin joǵary baǵalady.
- Biz elimizdiń ornyqty ekonomıkalyq damýyn qamtamasyz etýdi qalaımyz jáne ekonomıkany ártaraptandyryp jatyrmyz. Bul ońaı mindet emes. Onyń barlyq qıyndyǵyn túsinemiz. Citigroup kompanııasymen osy baǵyttaǵy tyǵyz yntymaqtastyǵymyzdy jalǵastyra bergimiz keledi, - dedi Memleket basshysy.
Djýlı Monako Qasym-Jomart Toqaevty Prezıdent laýazymyna saılanýymen quttyqtap, Qazaqstan Citigroup kompanııasynyń mańyzdy seriktesi ekenin atap ótti.
