Prezıdent: Tsıfrlandyrý EAEO elderiniń basym baǵytyna aınalýy kerek

NUR-SULTAN. QazAqparat – QR Prezıdenti Qasym-Jomart Toqaev Eýrazııalyq ekonomıkalyq odaqqa múshe memleketterdi tsıfrlandyrý baǵytyndaǵy jumysty jalǵastyrýǵa shaqyrdy, dep habarlaıdy QazAqparat tilshisi.

«Jetekshi tehnologııalardy damytý úshin tartymdy alǵysharttar jasaýǵa nazar aýdarǵan abzal. Tabysty ekonomıkanyń negizindegi ǵylymı tehnologııalar óndiristiń jetekshi amal-ádisterine qol jetkizýge jol ashady. Sol sebepti, tsıfrlandyrý – bizdiń elderdiń ekonomıkalarynyń basym baǵytyna aınalýy kerek. Qazaqstanda «Tsıfrly Qazaqstan» baǵdarlamasy júzege asýda. Sol arqyly aýqymdy málimetterdi «Jasandy ıntellekt» arqyly paraqtaýǵa múmkindik týady. Bul – aınalyp kelgende obektıvti qajettilik. Bizdiń ekonomıkalyq odaqtyń aıasynda 2017 jyly «Tsıfrly sapar» júrgizilgen edi. Bul salada birlesken jobalarymyz da joq emes. Meniń oıymsha, biz bul jumysty jalǵastyrýymyz kerek», - dedi Qasym-Jomart Toqaev.

Aıta ketsek, Qazaqstan Prezıdenti Qasym-Jomart Toqaev qatysqan Joǵary Eýrazııalyq ekonomıkalyq keńes otyrysy «Habar 24» arnasynda tikeleı efırde kórsetildi.

Eske salsaq, Armenııa astanasynda Joǵary ekonomıkalyq keńestiń otyrysy ótti. Іs-sharaǵa Qazaqstan Prezıdenti Qasym-Jomart Toqaev, Belarýs Respýblıkasynyń Prezıdenti Aleksandr Lýkashenko, Qyrǵyz Respýblıkasynyń Prezıdenti Sooronbaı Jeenbekov, Reseı Federatsııasynyń prezıdenti Vladımır Pýtın, Armenııanyń Premer-mınıstri Nıkolaı Pashınıan jáne Eýrazııalyq ekonomıkalyq komıssııa Alqasynyń tóraǵasy Tıgran Sarkısıan qatysty.