Prezıdent Chevron kompanııasymen uzaq merzimdi yntymaqtastyqty tereńdetýge daıyn
ASTANA. KAZINFORM — Memleket basshysy Chevron korporatsııasy dırektorlar keńesiniń tóraǵasy Maıkl Ýırtti qabyldady, dep habarlaıdy Aqordanyń baspasóz qyzmeti.
Kezdesý barysynda Qazaqstan Prezıdenti men amerıkalyq Chevron energetıkalyq korporatsııasy dırektorlar keńesiniń tóraǵasy strategııalyq áriptestiktiń qazirgi ahýaly men perspektıvasyn talqylady.
Memleket basshysy Chevron kompanııasymen seriktestik elimizdegi energetıka salasyn turaqty damytýda negizgi ról atqaratynyn atap ótti. Qasym-Jomart Toqaev Maıkl Ýırtti «Teńiz» ken ornyn keńeıtý jobasynyń tabysty aıaqtalýymen quttyqtady.
Kezdesýde iri ınvestıtsııalyq jobalarǵa, sonyń ishinde gaz jáne munaı hımııasy óndirisine erekshe nazar aýdaryldy.
— Prezıdent otandyq kompanııalardyń munaı-gaz sektoryndaǵy úlesin arttyrýdyń ózektiligin atap ótip, Chevron kompanııasymen ózara tıimdi ári uzaq merzimdi yntymaqtastyqty tereńdetýge daıyn ekenine toqtaldy. Maıkl Ýırt Qazaqstan kompanııanyń strategııalyq ári senimdi seriktesi bolyp qala beretinin jetkizdi. Sondaı-aq «Teńizshevroıl» birlesken kásiporny 1993 jyldan 2024 jylǵa deıin elimizge aıtarlyqtaı ınvestıtsııa salǵanyn aıtty, — delingen habarlamada.
Osyǵan deıin Prezıdent bitimger áskerı qyzmetshilerdi memlekettik nagradalarmen marapattady.