Prezıdent Chelıabi memlekettik ýnıversıtetiniń fılıaly týraly kelisimdi ratıfıkatsııalady

ASTANA. KAZINFORM — Memleket basshysy Qasym-Jomart Toqaev Qostanaı qalasyndaǵy «Chelıabi memlekettik ýnıversıteti» fılıalynyń jumysyn retteıtin Qazaqstan men Reseı arasyndaǵy kelisimdi ratıfıkatsııalaý týraly zańǵa qol qoıdy.

Qostanaı fılıaly atalǵan ýnıversıtettiń qurylymdyq bólimshesi sanalady jáne joǵary oqý ornynyń jarǵysy men fılıal týraly erejege sáıkes jumys isteıdi.

Oqý orny Qazaqstan men Reseı zańnamalaryna, sondaı-aq kelisimde kózdelgen erekshelikterdi eskere otyryp qyzmet atqarady.

Bul jóninde taraptar byltyr 27 qarashada Astana qalasynda kelisimge kelgen.

— Reseı Federatsııasynyń federaldyq memlekettik bilim berý standarttary men federaldyq memlekettik talaptaryna, sondaı-aq Qazaqstan Respýblıkasynyń joǵary jáne joǵary oqý ornynan keıingi bilim berýdiń memlekettik jalpyǵa mindetti standarttaryna sáıkes fılıalda oqytý qazaq, orys jáne basqa da tilderde júrgiziledi, — delingen qujatta.

Fılıalda «ekonomıka», «menedjment», «quqyqtaný», «fılologııa» jáne «lıngvıstıka» baǵyttary boıynsha mamandar eki eldiń zańdaryna sáıkes beriletin lıtsenzııa negizinde daıyndalady.

Buǵan deıin Prezıdent pármen bergeli elde sheteldik ýnıversıtetterdiń fılıalyn ashý beleń alǵany belgili. Buǵan deıin 20-dan astam ókildik qurylsa, bıyl 11 fılıal ashylýy tıis. Bilim berý salasyndaǵy mundaı úrdis salaǵa qalaı áser etedi, eńbek naryǵynda nendeı ózgeris bolýy yqtımal? Osy suraqtarǵa jaýapty Kazinform tilshisiniń materıalynan oqı alasyz.