Prezıdent buzaqylyq pen vandalızm týraly: Bundaıǵa jeńil jaza jaramaıdy
NUR-SULTAN. QazAqparat - Memleket basshysy Qasym-Jomart Toqaev Aqordada ótken jıynda qoǵamdyq múlikti búldirý, buzaqylyq jáne vandalızm sııaqty oqıǵalardyń jıilep ketkenine toqtaldy, dep habarlaıdy QazAqparat.
Qasym-Jomart Toqaev qoǵamdyq múlikti búldirý, buzaqylyq jáne vandalızm sııaqty oqıǵalardyń jıilep ketkenine toqtaldy.
«Jýyrda elordada mas adam lıftidegi monıtordy syndyrǵany úshin oǵan 14 myń teńge ǵana aıyppul salynǵan. Bulaı bolmaıdy. Mundaı is-áreket úshin keminde 15 táýlikke qamaý kerek nemese 1 jylǵa túzetý jumystaryna salý jóninde jaza kesý qajet. Mundaı jaǵdaılarǵa múldem tózbeý kerek. Jeńil jaza jaramaıdy. Al is júzinde jazalamaý saldary quqyq buzýshylyq pen qylmystyń odan ári órshýine alyp keledi. Sondyqtan osy másele boıynsha zańnamany qatańdatý kerek», – dedi Prezıdent.
Eske salaıyq, búgin Aqordada Memleket basshysy Qasym-Jomart Toqaev aýyl ákimderin saılaý máseleleri jóninde keńes ótkizdi.