Prezıdent búgin el daýynyń basym baǵyttaryn atady - Laýra Demesinova

NUR-SULTAN. QazAqparat - «Bolashaq» halyqaralyq Prezıdent stıpendııasynyń stepıendıattary Assotsıatsııasynyń atqarýshy dırektory Laýra Demesinova Prezıdent Qasym-Jomart ToqaevtyńParlamenttiń jetinshi shaqyrylymynyń alǵashqy sessııasyndaǵy sóılegen sózine qatysty pikir bildirdi, dep habarlaıdy QazAqparat.

Prezıdenttiń búgingi sessııada aıtqan basym baǵyttarynyń sońǵy kezde álemde oryn alǵan qıyn ahýalda ózekti ınıtsıatıvalar ekenine nazar aýdardy.

«Prezıdent búgin eldiń damý jolynda óte mańyzdy degen basym baǵyttardy atady. Ol pandemııa kezindegi ózgerister men halyqtyń ál-aýqaty týraly aıtty. Pandemııa ult densaýlyǵynyń mańyzdylyǵyn kórsetti. Densaýlyq saqtaý salasyna basymdyq berilip, jańa reformalar engizýdi tapsyrdy. Balalar men jasóspirimder arasynda buqaralyq sportty damytý – ult densaýlyǵynyń negizi. Toqaev aıtqan áleýmettik máseleler sońǵy kezeńge saı tendentsııalar dep oılaımyn», - dedi Laýra Demesinova .

Ol sonymen qatar jasar saıasaty men ombýdsmen ınstıtýtynyń mańyzdylyǵyna toqtaldy.

«Jalpy adam quqyǵyn qorǵaý máseleleri qazir óte ózekti. Búkil álem bolyp turmystyq zorlyq-zombylyqpen kúresip jatyr. Alaıda, turmysta kórsetiletin qysym azaımaı otyr. Bizde ombýdsmen ınstıtýty bar. Prezıdenttiń aıtýynsha, bul ınstıtýt ázirge óziniń áleýetin tolyq kórsete almaı otyr. Sondyqtan jaqyn arada «Ombýdsmen týraly» Zań qabyldanady. Bul da jaǵymdy ózgerister bastaýy dep bilemin», - dedi L. Demesinova.

Ol jastar saıasaty men volonterlik zańdarynyń qoldaıtynyn bildirdi.

«Prezıdenttiń aıtýynsha, táýelsizdik urpaqtary atty ulttyq joba memlekettik jastar saıasaty jáne volonterlik boıynsha zańdar daıyndalyp jatyr. Men bul zańnamalardy qoldaımyn. Depýtattar jastardyń áleýmettik qyzmetterin zań negizinde retteıdi. Sonymen qatar Qazaqstanda jastardyń damý ındeksi engiziletinin estidik. Jastar sol ındıkator boıynsha áreket etedi», - dep qorytty ol.