Prezıdent: Budan bylaı ádilettilik, ashyqtyq jáne janashyrlyq qaǵıdattary qatań saqtalady

ASTANA. QazAqparat - Budan bylaı ádilettilik, ashyqtyq jáne janashyrlyq qaǵıdattary qatań saqtalady. Búl týraly QR Prezıdenti Qasym-Jomart Toqaev zańdarǵa jarııa túrde qol qoıý rásiminde sóılegen sózinde aıtty, dep habarlaıdy QazAqparat.

«Konstıtýtsııalyq reforma Qazaqstan tarıhynda jańa dáýir bastalǵanyn aıqyndady. Sondaı-aq sońǵy úsh jyldaǵy saıası ózgeristerdi ornyqtyryp, memleketimizdi odan ári nyǵaıtý úshin myqty negiz qalady. Budan bylaı ádilettilik, ashyqtyq jáne janashyrlyq qaǵıdattary qatań saqtalady. Biz referendým arqyly buryn-sońdy bolmaǵan syrtqy jáne ishki syn-qaterlerge tótep bere alatynymyzdy dáleldedik. Konstıtýtsııalyq reformany naqty júzege asyra bastadyq» – dedi Memleket basshysy.