Prezıdent Birikken Arab Ámirlikteriniń Energetıka jáne ınfraqurylym mınıstrin qabyldady
ASTANA. KAZINFORM — Astana halyqaralyq forýmynyń alańynda Qasym-Jomart Toqaev Birikken Arab Ámirlikteriniń Energetıka jáne ınfraqurylym mınıstri Sýheıl ál-Mazýrımen kezdesti. Bul týraly Aqordanyń baspasóz qyzmeti habarlady.

Memleket basshysy Abý Dabıdiń Taq murageri Haled ben Muhammed ben Zaıd Ál Nahaıanmen Astanadaǵy kezdesýin yqylaspen eske aldy. Onyń aıasynda nátıjeli kelissózder júrgizilip, jalpy quny 5 mıllıard dollardy quraıtyn 20-dan astam kommertsııalyq kelisimge qol qoıyldy.

Sýheıl ál-Mazýrı Astana halyqaralyq forýmynyń joǵary deńgeıde uıymdastyrylǵanyn atap ótip, qonaqjaılyq tanytqany úshin Qazaqstan tarapyna alǵys aıtty.
Qasym-Jomart Toqaev pen Sýheıl ál-Mazýrı joǵary deńgeıde jasalǵan ýaǵdalastyqtardy júzege asyrýdyń naqty joldaryn, sonyń ishinde ekijaqty taýar aınalymyn 1 mıllıard dollarǵa deıin ulǵaıtý bastamasyn talqylady. Mınıstrdiń aıtýynsha, Ámirlikter Abý Dabı Taq murageriniń Qazaqstanǵa sapary kezinde qol qoıylǵan kelisimderdi oryndaýǵa belsene kirisip ketken.

Kezdesý barysynda energetıka, aýyl sharýashylyǵy jáne kólik salalaryndaǵy yqpaldastyqtyń ózekti máseleleri qarastyryldy.