Prezıdent birqatar sportshy men bapkerdi memlekettik nagradalarmen marapattady

ASTANA. KAZINFORM — Prezıdent Qasym-Jomart Toqaev Horvatııanyń Zagreb qalasynda ótken kúres túrleri boıynsha Álem chempıonatyndaǵy joǵary jetistikteri úshin sportshylar men bapkerlerdi memlekettik nagradalarmen marapattaý týraly Jarlyqqa qol qoıdy.

«Qurmet» ordenimen:

1. Týrızm jáne sport mınıstrligi Sport jáne dene shynyqtyrý isteri komıteti Sportty damytý dırektsııasynyń nusqaýshy-sportshysy Aıdos Sultanǵalı;

2. Týrızm jáne sport mınıstrligi Sport jáne dene shynyqtyrý isteri komıteti Sportty damytý dırektsııasynyń nusqaýshy-sportshysy Nurqoja Qaıpanov;

3. Qazaqstan Respýblıkasy Qorǵanys mınıstrliginiń Sport komıteti – Ortalyq sport klýbynyń jattyqtyrýshy-oqytýshysy Kamal Gadjımagomedov marapattaldy.

«Eren eńbegi úshin» medali:

1. Týrızm jáne sport mınıstrligi Sport jáne dene shynyqtyrý isteri komıtetiniń Sportty damytý dırektsııasynyń nusqaýshy-sportshysy Asyljan Esengeldige;

2. Týrızm jáne sport mınıstrligi Sport jáne dene shynyqtyrý isteri komıteti Almaty qalasynyń «Shańyraq» shaǵyn aýdanyndaǵy olımpıada rezerviniń respýblıkalyq mamandandyrylǵan mektep-ınternat-kolledjiniń jattyqtyrýshysy Erkebulan Keshýbaevqa berildi.

Qazaqstan Respýblıkasy Prezıdentiniń Alǵysy:

Týrızm jáne sport mınıstrligi Sport jáne dene shynyqtyrý isteri komıtetiniń Sportty damytý dırektsııasynyń jattyqtyrýshysy ıÝrıı Melnıchenkoǵa jarııalandy. 

Eske sala keteıik, buǵan deıin Memleket basshysy Lıverpýl qalasynda ótken erler men áıelder arasyndaǵy bokstan álem chempıonatyndaǵy (World Boxing) sporttyq joǵary jetistikteri úshin bir top sportshy men bapkerdi marapattaǵan edi.