Prezıdent birqatar sheteldik ınvestorlardy memlekettik nagradalarmen marapattady
ASTANA. KAZINFORM — Prezıdent Qazaqstan ekonomıkasyn damytýǵa qosqan eleýli úlesi jáne elimizdiń ınvestıtsııalyq tartymdylyǵyn arttyrý baǵytyndaǵy kóp jylǵy nátıjeli qyzmeti úshin Sheteldik ınvestorlar keńesiniń plenarlyq otyrysyna qatysqan bir top azamatqa memlekettik nagradalar tapsyrdy. Bul týraly Aqorda málim etti.
ІІ dárejeli «Dostyq» ordenimen:
Eýropa qaıta qurý jáne damý bankiniń prezıdenti Odıl Reno-Basso, Islam damý bankiniń tóraǵasy Muhammed Sýleıman ál-Djasser, AD Ports Group kompanııasynyń basqarýshy dırektory jáne bas atqarýshy dırektory Muhammed Jýma ál-Shamısı, Citi kompanııasynyń tutynýshylarmen jumys jónindegi bas basqarýshysy Devıd Lıvıngston,, Polpharma kompanııasy baqylaýshylar keńesiniń tóraǵasy Ejı Starak, Cameco korporatsııasynyń prezıdenti Tım Gıttsel, «Qazaqstannyń sheteldik ınvestorlar keńesi» qaýymdastyǵynyń basqarma tóraǵasy Erlan Dosymbekov marapattaldy. «Qurmet» ordenimen: «Qazaqstannyń sheteldik ınvestorlar keńesi» qaýymdastyǵynyń dırektory Janna Baıdasheva nagradtaldy.
Aıta keteıik, elordada QR Prezıdenti janyndaǵy Sheteldik ınvestorlar keńesiniń 38-otyrysy ótti.
