Prezıdent birqatar memlekettiń elshisinen senim gramotalaryn qabyldady
ASTANA. KAZINFORM — «Aqorda» rezıdentsııasynda jeti memlekettiń tótenshe jáne ókiletti elshileriniń Qazaqstan Prezıdentine senim gramotalaryn tabystaý rásimi ótti.
Senim gramotalaryn
Belarýs Respýblıkasynyń elshisi Alekseı Bogdanov,
Taıland Koroldiginiń elshisi Pııapın Nııomrerks,
Moldova Respýblıkasynyń elshisi Shtefan Gorda,
Mıanma Odaǵy Respýblıkasynyń elshisi Tıt Lınn Oýn,
Kenııa Respýblıkasynyń elshisi Pıter Mýtýký Matýkı,
Albanııa Respýblıkasynyń elshisi Blerta Kadzadesh,
Italııa Respýblıkasynyń elshisi Antonello de Rıý tapsyrdy.
Memleket basshysy dıplomattardy Qazaqstandaǵy mıssııalarynyń bastalýymen quttyqtap, elimizdiń ózara múddege negizdelgen yntymaqtastyqty damytýǵa jan-jaqty qoldaý kórsetetinin jetkizdi.
Qasym-Jomart Toqaev Qazaqstannyń beıbit ári kópvektorly syrtqy saıasat ustanatynyn aıtty. Prezıdenttiń aıtýynsha, halyqaralyq qatynastarda dıalog pen yqpaldastyq qaǵıdattary basshylyqqa alynýǵa tıis jáne BUU Jarǵysyn qatań saqtaý aıryqsha mańyzdy.
Aıta ketelik jaqynda Nurlan Jalǵasbaev Polsha Respýblıkasyndaǵy Tótenshe jáne ókiletti elshisi bolyp taǵaıyndalǵan edi.