Prezıdent aýyl sharýashylyǵy salasynyń birqatar mamandaryn marapattady
ASTANA. KAZINFORM – Prezıdent Jarlyǵymen Aýyl sharýashylyǵy, tamaq jáne óńdeý ónerkásibi qyzmetkerleri kúni qarsańynda eldiń agroónerkásip keshenindegi jemisti eńbegi, otandyq aýyl sharýashylyq ınfraqurylymnyń damýyna qosqan úlesi úshin bir top sala ókilderine memlekettik nagradalar tabystaldy. Bul týraly Aqordanyń baspasóz qyzmeti málim etti.
Atap aıtqanda, «Qazaqstannyń Eńbek Eri» ataǵy men «Otan» ordeni «Zenchenko jáne K» seriktestiginiń bas dırektory Gennadıı Gennadevıch Zenchenkoǵa berildi.
Sonymen qatar aýyl sharýashylyǵy salasynyń bir top eńbekkeri ІІ jáne ІІІ dárejeli «Barys», «Parasat», «Qurmet», III dárejeli «Eńbek Dańqy» ordenderimen jáne «Eren eńbegi úshin» medalimen marapattaldy.
Eske sala keteıik, búgin Astanada memleket basshysynyń qatysýymen aýyl sharýashylyǵy salasy qyzmetkerleriniń forýmy ótkenin jazǵan bolatynbyz.
