Prezıdent Bosnııa jáne Gertsegovınanyń Tóralqa Tóraǵasyn quttyqtady

ASTANA. KAZINFORM — Memleket basshysy Bosnııa jáne Gertsegovınanyń Tóralqa Tóraǵasyn quttyqtady. Bul týraly Aqorda málim etti.

— Qasym-Jomart Toqaev Jelko Komshıchke Bosnııa jáne Gertsegovınanyń Táýelsizdik kúnine oraı quttyqtaý jedelhatyn joldady. Prezıdent Astana men Saraevonyń dástúrli dostyq pen ózara qoldaýǵa negizdelgen yntymaqtastyǵy qos halyqtyń ıgiligi jolynda nyǵaıa beretinine senim bildirdi, — delingen habarlamada.

Eske sala keteıik, buǵan deıin Qasym-Jomart Toqaev arab elderiniń basshylaryna qoldaý bildirgen edi.  Qazaqstan baýyrlas arab elderine kez kelgen kómekti kórsetýge daıyn ekenin aıtyp, olardyń joǵarǵy basshylarymen turaqty jumys baılanystaryn jalǵastyrýǵa úmit bildirdi.