Prezıdent blokposttarda kólikterdiń uzaq turýyna jol bermeý kerektigin aıtty
NUR-SULTAN. QazAqparat – Oblystar arasyndaǵy blokposttarda azyq-túlik tasymaldaıtyn kólikter kedergisiz júrýi kerek. Bul týraly Memleket basshysy Qasym-Jomart Toqaevtyń Tótenshe jaǵdaı rejımin qamtamasyz etý jónindegi memlekettik komıssııanyń otyrysynda aıtty, dep habarlaıdy QazAqparat.
«Men buǵan deıin óńiraralyq úılestirýdiń mańyzdylyǵy týraly aıtqan edim. Oblystar arasyndaǵy túrli blokposttarda kólikterdiń birneshe saǵat boıy turyp qalýy faktileri oryn alýda», - dedi Prezıdent.
Osy oraıda Qasym-Jomart Toqaev Memlekettik komıssııa atalǵan jaǵdaıdy qadaǵalaý kerektigin atap ótti.
Buǵan deıin habarlanǵandaı, Prezıdent aýyl sharýashylyǵynyń azyq-túlik ónimderin jetkizýshilerdiń karantındik qalalarǵa úzdiksiz kirýin qamtamasyz etý kerektigin tapsyrdy.
«Olarǵa jedel túrde «jasyl» aýmaqtar arqyly ótkizý qujaty berilýi tıis. Bul kóktemgi dala jumystaryn bastaıtyn fermerlerge de qatysty másele», - dedi ol.
