Prezıdent bilim júıesin damytýǵa arnalǵan zamanaýı tásildermen tanysty
ASTANA. KAZINFORM — Memleket basshysy Qasym-Jomart Toqaev «Bilim bolashaǵy» kórmesin aralap kórdi. Bul týraly Aqordanyń baspasóz qyzmeti habarlady.
Respýblıkalyq tamyz konferentsııasy aıasyndaǵy is-shara salany damytýdyń zamanaýı tásilderine arnalǵan.
Prezıdentke «Taldaý ortalyǵynyń» jumysy jáne jasandy ıntellektini paıdalanatyn taldaý quraldary kórsetildi. Atap aıtqanda, Qasym-Jomart Toqaevqa muǵalimniń sabaqqa ázirlenýine kómektesetin WONK pedagogtiń AІ-assıstenti tanystyryldy.
Sodan keıin Memleket basshysyna Qalam AI, Beyim AI, TopIQ jáne E-OQULYQ tsıfrlyq sheshimderi qoldanylatyn 3-synyptaǵy matematıka sabaǵynyń úzindisi kórsetildi.
Budan bólek, Prezıdent zamanaýı balalar basylymdarymen, sonyń ishinde álem ádebıetiniń qazaq tilindegi aýdarmasymen, sondaı-aq, ǵylym, ınjenerııa, robot tehnıkasy men ınnovatsııa salasyndaǵy oqýshylar jetistikterimen tanysty.
