Prezıdent: Bizdiń elde ekologııalyq problemadan ada birde-bir óńir joq

NUR-SULTAN. QazAqparat – Memleket basshysy Qasym-Jomart Toqaev qoǵamda jańa ekologııalyq mádenıetti qalyptastyrý úshin tolyq aýqymdy ekologııalyq revızııa júrgizý kerektigin málim etti, dep habarlaıdy QazAqparat tilshisi.

«Nazarlaryńyzdy aýdarǵym keletin taǵy bir másele – bizdiń qoǵamdaǵy ekologııalyq mádenıet. Jyl boıy adamdardyń qorshaǵan orta men jan-janýarlarǵa qatysty ártúrli rezonansty oqıǵalarynyń, tipti varvarlyq áreketteriniń kýási boldyq. Álemdik ekologııalyq antıreıtıngte Qazaqstan ókinishke qaraı kóshbasshy pozıtsııasynda tur. Bizdiń elde ekologııalyq problemadan ada birde-bir óńir joq. Týyndaǵan bul jaǵdaı bizdi eń batyl áreketterge shaqyratyn óte kúrdeli jaǵdaı dep esepteımin», - dedi Prezıdent Ulttyq qoǵamdyq senim keńesiniń otyrysynda.

Prezıdent óz sózinde qoǵamda jańa ekologııalyq mádenıetti qalyptastyrý úshin tolyq aýqymdy ekologııalyq revızııa júrgizý kerektigin jetkizdi.