Prezıdent bıylǵy Joldaýynda demografııa salasynda jańa saıasat bastalǵanyn jarııalady – Aıda Balaeva

NUR-SULTAN. QazAqparat – Búgin Memleket basshysy óz Joldaýynda otbasylyq-demografııalyq salada jańa saıasat bastalǵanyn jarııalady. Sózsiz, bul saladaǵy shoǵyrlanǵan máselelerdi sheshýge arnalǵan. Bul týraly Aqparat jáne qoǵamdyq damý mınıstri Aıda Balaeva Facebook jelisindegi paraqshasynda jazdy.

«Osyǵan baılanysty arnaıy baǵdarlama qabyldaý onyń tıimdiligin qamtamasyz etip qana qoımaı, sharalardy naqtylap, olardyń nátıjeli bolýyna baqylaý ornatady.

Balalar men olardyń múddeleri jáne saýlyǵy qazirgi Joldaýdyń negizgi obektileriniń birine aınaldy. Bul memlekettiń osy saladaǵy kókeıtesti máselelerdi sheshýge shyndap kirisetinin kórsetedi. Bul tek bilim berý máselelerine ǵana emes, balalardyń fızıkalyq jáne rýhanı saýlyǵyna da qatysty. Dál osy otbasylyq qatynastar salasyndaǵy isterdiń ahýaly jaýapty memlekettik organdar men laýazymdy tulǵalar jumysynyń tıimdiligin baǵalaýda basty ındıkatorlardyń birine aınalýy tıis», - dep atap ótti mınıstr.