Prezıdent birqatar memlekettiń elshilerinen senim gramotalaryn qabyldady
Aqorda rezıdentsııasynda birqatar memlekettiń jańadan taǵaıyndalǵan tótenshe jáne ókiletti elshileriniń Qazaqstan Prezıdentine senim gramotalaryn tapsyrý rásimi ótti.
Senim gramotalaryn Frantsııa Respýblıkasynyń elshisi Dıde Kaness, Ýkraınanyń elshisi Petr Vrýblevskıı, BUU-nyń Qazaqstan Respýblıkasyndaǵy turaqty úılestirýshisi Mıkaella Frıberg-Storı, Soltústik Makedonııa Respýblıkasynyń elshisi Salı Lımanı, Pákistan Islam Respýblıkasynyń elshisi Sadjad Ahmed Sıhar tabystady.
Qasym-Jomart Toqaev barlyq elshilerdi Qazaqstandaǵy dıplomatııalyq mıssııalarynyń resmı túrde bastalýymen quttyqtap, olarǵa ekijaqty qatynastardy odan ári nyǵaıtýda sáttilik tiledi.
Memleket basshysy sheteldik elshilerdiń aldynda sóılegen sózinde búgingi saltanatty rásim búkil álem qaýymdastyǵy úshin buryn-sońdy bolmaǵan qıyndyqtar kezinde ótip jatqanyn atap ótti. Onyń aıtýynsha, yntymaqtastyq pen tıimdi halyqaralyq yqpaldastyq bizdiń halyqtarymyzdy kez-kelgen qaýip-qaterge qarsy tura alatyndaı qaýqarly etýdiń kilti. Prezıdenttiń pikirinshe, bizdiń elimiz atalǵan memlekettermen jáne BUU júıesimen seriktestikti Qazaqstannyń syrtqy saıasatynyń ajyramas bóligi retinde qarastyrady.
Qasym-Jomart Toqaev Qazaqstannyń Eýropalyq Odaqtaǵy basty seriktesi jáne elimizdiń besinshi ınvestory Frantsııamen strategııalyq qatynastardy damytýǵa erekshe mán beretinin aıtty. Taý-ken, munaı-gaz, kólik tehnıkasy, qurylys materıaldary óndirisi, hımııa jáne tamaq ónerkásibi sııaqty salalar boıynsha yntymaqtastyq tabysty damyp keledi. Sonymen qatar aýyl sharýashylyǵy, jańartylǵan energııa jáne tsıfrlyq tehnologııalar, mádenıet, bilim, týrızm salalaryndaǵy ózara tıimdi yntymaqtastyqtyń zor áleýetin paıdalanýǵa bolady.
«Qazaqstan tarapy frantsýz kásipkerlerine elimizdegi paıdaly jobalarǵa ınvestıtsııa salý úshin jekelegen tásilder usynýǵa daıyn», – dedi Qasym-Jomart Toqaev.
Petr Vrýblevskııdi qabyldaǵan Prezıdent eki el arasyndaǵy dástúrli dostyq baılanystardy odan ári nyǵaıtý jáne Ýkraınamen kópjaqty yntymaqtastyqty arttyrý Qazaqstan úshin óte mańyzdy ekenin aıtty.
«Bizdiń ekijaqty qatynastarymyz tereń tarıhı baılanystarǵa negizdelgen. Al Qazaqstandaǵy ýkraın dıasporasy bizdiń halyqtarymyzdyń arasyn «altyn kópir» retinde baılanystyrady. Búginde bizdiń kásiporyndar ártúrli salada yntymaqtasa jumys isteýde. Eki elde de júrgizilip jatqan mańyzdy transformatsııalyq reformalar saıası, saýda-ınvestıtsııalyq, mádenı jáne halyqtar arasyndaǵy baılanystardyń odan ári nyǵaıa túsýine septigin tıgizedi dep senemin», – dedi Memleket basshysy.
Mıkaella Frıberg-Storımen áńgimelesý barysynda Qasym-Jomart Toqaev Qazaqstannyń BUU Jarǵysyna negizdelgen ınklıýzıvti kópjaqty saıasatqa berik bolyp qala beretinin jetkizdi.
«BUU júıesimen jáne onyń sheńberindegi seriktestigimiz aıtarlyqtaı nátıjeli boldy. Sońǵy otyz jylda Qazaqstan BUU-nyń barlyq negizgi organdaryna, onyń ishinde Qaýipsizdik Keńesine qatysyp, birqatar basym mindetterdi oryndady. Ortalyq Azııa men Aýǵanstandaǵy turaqty damýdyń 2030 jylǵa deıingi kún tártibin tıimdi úılestirý úshin biz Almatyda BUU-nyń aımaqtyq ortalyǵyn qurýǵa nıettimiz», – dedi Qazaqstan Prezıdenti.
Memleket basshysy Soltústik Makedonııa Respýblıkasyn Shyǵys Eýropa men Balkandaǵy Qazaqstannyń mańyzdy seriktesi retinde qarastyratynyn atap ótti.
«Bizdiń elimizde ártúrli etnıkalyq jáne dinı toptar ómir súredi. Bul bizdiń memleketterimizdiń arasyndaǵy ortaq uqsastyq. Osyndaı erekshelikter elderimizdi nyǵaıtady. Sizdiń elińizben saıası jáne saýda-ekonomıkalyq yntymaqtastyqty keńeıtýge bas mán beremiz», – dedi Qasym-Jomart Toqaev.
Sadjad Ahmed Sıhardy qabyldaǵan Memleket basshysy Pakistannyń Azııadaǵy negizgi seriktesterimizdiń biri ekenin aıtty. Eki el arasynda saıası jáne ekonomıkalyq turǵydan mazmundy dıalogqa baǵyttalǵan berik seriktestik ornaǵan.
«COVID-19 indetiniń keri áserine qaramastan, ekijaqty saýda-sattyq artyp keledi. Degenmen, elderimiz arasyndaǵy kólik qatynasynyń nasharlyǵynan biz óz múmkindigimizdi tolyq paıdalana almaı otyrmyz. Osyǵan baılanysty Saýda-ekonomıkalyq, ǵylymı-tehnıkalyq jáne mádenı yntymaqtastyq jónindegi úkimetaralyq komıssııa seriktestiktiń kókjıegin keńeıtedi dep úmittenemiz. BUU, Islam yntymaqtastyǵy uıymy jáne Shanhaı yntymaqtastyq uıymy aıasyndaǵy oń yqpaldastyq ortaq múddelerimizge qyzmet etedi», – dedi Prezıdent.
Kezdesý sańynda Qasym-Jomart Toqaev elshilerdi kele jatqan Jańa jylmen quttyqtap, olardyń memleket basshylaryna júrekjardy sálemin joldady.
