Prezıdent bireý, qalǵandarymyz tireý - halyq jazýshysy Sherhan Murtaza
ALMATY. 7 aqpan. QazAqparat /Erlik Erjanuly/ - Halyqtyń, eldiń jaǵdaıy jyldan-jylǵa jaqsy bola beredi, jaınaı beredi.
Qazaqstannyń halyq jazýshysy Sherhan Murtaza búgin Elbasynyń Almatydaǵy rezıdentsııasynda 2010 jylǵy Prezıdenttik jáne Memlekettik stıpendııa ıegerlerin marapattaý rásminde osylaı aıtty.
"El aıtady: kóp sóz - kómir, az sóz - altyn. Prezıdent - bireý, qalǵandarymyz - tireý. Osyndaı jaqsy zamanda bizdiń juldyzymyz ýaqyt ótken saıyn, jyl ótken saıyn zańǵar bıikten jarqyraı bersin. Ómirimiz sol aspandaǵy juldyzdardaı kóbeıip, molaıyp zor kúshke aınala beredi. Tilek sol, barlyǵymyz tilektes bolaıyq",- dedi 2010 jylǵy Prezıdent stıpendııasynyń ıegeri, jazýshy Sherhan Murtaza.
