Prezıdent Bıologııalyq qaýipsizdik problemalary ǴZI qyzmetkerlerine arnalǵan jańa turǵyn úılerdi aralap kórdi
JAMBYL OBLYSY. QazAqparat - Prezıdent Bıologııalyq qaýipsizdik problemalary ǴZI qyzmetkerlerine arnalǵan jańa turǵyn úılerdi aralap kórdi, dep habarlaıdy Aqorda.
Memleket basshysy Gvardeıskıı kentindegi Bıologııalyq qaýipsizdik problemalary ǵylymı-zertteý ınstıtýtynyń qyzmetkerlerine arnap salynǵan turǵyn úıler qurylysynyń barysymen tanysty.
Jambyl oblysynyń ákimi Berdibek Saparbaev otandyq jáne sheteldik ǵylymı mamandarǵa arnalǵan 180 páterlik úsh turǵyn úı qurylysynyń aıaqtalǵany týraly baıandady.
Sodan keıin Qasym-Jomart Toqaevqa jıhazdarmen tolyq jabdyqtalǵan jańa páterler kórsetildi. Úılerdi salýǵa respýblıkalyq bıýdjetten 2,3 mıllıard teńge bólingen. Birinshi úıdiń qurylysy bıyl mamyr aıynda aıaqtaldy. Kópqabatty úılerdiń qurylysy tolyq bitip, barlyq ınjenerlik jeliler tartylǵan.
Eske salsaq, QR Prezıdenti jumys saparymen Jambyl oblysynda júr. Memleket basshysy QazVac vaktsınasyn shyǵaratyn Qordaıdaǵy zaýytqa bardy.
