Prezıdent: Bılik tizginin qabyldaıtyn jas mamandar rezervin daıyndap jatyrmyz

NUR-SULTAN. QazAqparat – El basqarý tizginin qolyna alatyn jastardyń kadrlyq rezervi qurylyp jatyr. Bul týraly QR Prezıdenti Qasym-Jomart Toqaev Ulttyq qoǵamdyq senim keńesiniń alǵashqy otyrysynda aıtty.

«Tehnologııalar ózgerip, ekonomıka, áleýmettik tártip ózgerip jatyr. Eń bastysy adamzattyń ómir salty týraly túsinigi ózgerip jatyr. Jastardyń álem týraly kózqarasy qarqyndy transformatsııalanyp jatyr. Jastar álemdik iri tehnologııalyq jáne saıası ózgerister dáýirinde óz ornyn belsendi izdeýde. Árıne, jastar birkelki emes. Qazaqstan bul jaǵdaıda syrt qalmaıdy. Bireý ǵylym men ónerge, bızneske umtylady. Bireýge memlekettik qyzmet nemese qoǵamdyq belsendilik unaıdy. Alaıda eshteńe istegisi kelmeıtin, tolassyz oıyn-kúlki men túngi klýbtan basqany qalamaıtyndar da bar. Osylaı bolǵan, bar jáne bola da beredi.

Osy eldiń Prezıdenti retindegi tilegim – maqsaty aıqyn, belsendi jastarǵa mynaý kúrdeli ómirde óz ornyn taýyp, qalyptasýyna múmkindik berý. Sondyqtan, biz bıznespen aınalysýǵa múmkindik týǵyzyp, qabiletti jáne az qamtylǵan otbasydan shyqqan balalarǵa bilim alý úshin granttar bólemiz. Talantty balalardy izdep, jas basqarýshylardyń kadrlyq rezervin quryp jatyrmyz. Keıin memleketti basqarý tizginin solarǵa ótkizemiz», - dedi Memleket basshysy.