Prezıdent: Bıdaıdyń joǵary túsimine qol jetkizgen azamattar memlekettik nagradalarǵa laıyq
NUR-SULTAN. QazAqparat – Memleket basshysy Qasym-Jomart Toqaev Aýyl sharýashylyǵy mınıstrligi men Saýda jáne ıntegratsııa mınıstrligine aýyl sharýashylyǵy ónimderiniń eksporty máselesin jedel sheshýdi júktedi, dep habarlaıdy QazAqparat tilshisi.
«Búgingi tańda bıdaı jınaý jumysy tolyǵymen aıaqtalýǵa jaqyn qaldy. 20 mln tonnaǵa jýyq bıdaı jıylyp alyndy. Bul – ótken jyldyń kórsetkishine qaraǵanda 34 paıyzǵa joǵary. Men osynaý jetistikke oraı aýyldaǵy eńbekqor eginshilerdiń bárin quttyqtadym. Aýyldaǵy aǵaıyn, sonymen qatar osynaý jetistikke qol jetkizgen azamattar ákimshilik organdar tarapynan kótermeleýge, onyń ishinde memlekettik nagradalarǵa laıyq dep esepteımin», - dedi Prezıdent koronavırýs indetiniń ekinshi kezeńine daıyndyq máseleleri boıynsha keńeste sóılegen sózinde.
Prezıdent endigi kezekte jınalyp alynǵan bıdaıdyń saqtalýyn qamtamasyz etip, fermerlerge ony shetelge satýǵa kómektesý kerektigin jetkizdi.
«Aýyl sharýashylyǵy mınıstrligi men Saýda jáne ıntegratsııa mınıstrligi aýyl sharýashylyǵy ónimderiniń eksporty máselesin jedel sheshýi kerek», - dedi ol.
