Prezıdent Beıjińdegi Tıananmen alańyna bardy
ASTANA. KAZINFORM - Prezıdent Qasym-Jomart Toqaev Beıjińdegi Tıananmen alańyna bardy. Bul týraly Aqorda habarlady.
- Memleket basshysy Qasym-Jomart Toqaev Ekinshi dúnıejúzilik soǵysta jáne japon basqynshylyǵyna qarsy kúreste jetken Jeńistiń 80 jyldyǵyna oraı uıymdastyrylǵan áskerı paradty tamashalaý úshin Tıananmen alańyna keldi, - dep jazylǵan aqparatta.
Sálden soń Tıananmen alańynda áskerı parad bastalady.
Qytaı tarapy jazǵandaı, búgin tańerteń Beıjińdegi Tıananmen alańynda Qytaı halqynyń japon basqynshylaryna qarsy soǵystaǵy Jeńisiniń jáne Ekinshi dúnıejúzilik soǵystaǵy fashızmge qarsy Jeńistiń 80 jyldyǵyna arnalǵan saltanatty jıyn bastaldy.
Zeńbirek salıýtiniń únimen qosa Qurmet qaraýylynyń tý ustaýshy rotasy Memlekettik týdy alańdaǵy Halyq qaharmandary eskertkishinen soltústikke qaraı tý tuǵyryna alyp shyqty.
Aıta keteıik, Memleket basshysy Qytaıdaǵy Qazaqstan mádenıet ortalyǵynyń ashylý rásimine qatysty.