Prezıdent «Belgisiz jaýynger beıiti» eskertkish memorıalyna gúl shoǵyn qoıdy
MÁSKEÝ. KAZINFORM — Qasym-Jomart Toqaevtyń Reseı Federatsııasyna memlekettik saparynyń ekinshi kúni Aleksandr baǵyndaǵy «Belgisiz jaýynger beıiti» memorıalyna gúl shoǵyn qoıý rásiminen bastaldy. Bul týraly Aqorda málim etti.
— Bir mınýt únsizdikten keıin orkestr Qazaqstan Respýblıkasynyń memlekettik ánuranyn oryndady. Sodan soń Qurmet qaraýyly elimizdiń resmı delegatsııasynyń aldynan saltanatpen sap túzep ótti. Qazaqstan Uly Jeńiske zor úles qosty. Maıdanǵa 1 mıllıon 200 myńnan astam qazaqstandyq attanyp, olardyń teń jartysy erlikpen qaza tapty. Bes júzden astam otandasymyz Keńes Odaǵynyń Batyry atandy, — delingen habarlamada.
Eske sala keteıik, buǵan deıin Qasym-Jomart Toqaev Máskeýge memlekettik saparmen barǵanyn jazǵan edik.
Qazaqstan men Reseı prezıdentteri beıresmı kezdesý ótkizdi.
