Prezıdent Baıqońyrda arnaıy ekonomıkalyq aımaq qurýdy tapsyrdy
«Baıqońyr qalasynyń ınfraqurylymyn jańǵyrtý bastaldy. 30 jyldyń ishinde bul jerde alǵash ret kópqabatty úı men medıtsınalyq ortalyq salyndy. 5 mektep qazaqstandyq standart boıynsha bilim berýge kóshti. Kommýnaldyq jelilerdi jóndep, 6 turǵyn men mektep salý josparlanǵan», - dedi Qasym-Jomart Toqaev Qyzylorda oblysynyń jurtshylyǵymen kezdesý barysynda.
Sonymen qatar Memleket basshysy Baıqońyrdy damytýdyń tıimdi tetikterin ázirleý qajettigine nazar aýdartty.
«Úkimet pen ákimdik Baıqońyrdy damytýdyń tıimdi tetikterin aıqyndap, qysqa ýaqyttyń ishinde arnaıy ekonomıkalyq aımaq qurýy qajet. Ǵarysh aılaǵynyń aýqymy men biregeıligi bizge aldyńǵy qatarly kompanııalarmen jáne perspektıvaly tehnologııalyq startaptarmen jumys isteý úshin tamasha múmkindik beredi», - dedi Qazaqstan Prezıdenti.
