Prezıdent baıandamasynda jastardyń bilim alyp, eńbekke aralasýyna mán berdi - Gúlnar Sársenbekova
Ýnıversıtet rektorynyń aıtýynsha, Memleket basshysy Parlament Májilisiniń otyrysyna qatysyp, elimizdegi saıası jáne áleýmettik-ekonomıkalyq salalardaǵy ózekti máselelerdi sheshý boıynsha aýqymdy baıandama jasap, naqty tapsyrmalar berdi.
«Elimizdiń maqsaty aıqyn. Prezıdent baıandamasynda qazirgi zamanǵy synaq-qaýipter men trendterge sapaly, turaqty jáne ádil bilim berý arqyly jaýap beretindigine toqtaldy. Jastardyń máselelerin jan-jaqty qarastyryp, alǵashqy jumys orny, eńbekke aralasýyna mán berildi. Áleýmettik qoldaýdy qajet etetin jastarǵa grant bólý máselesi de kóterildi. Jastardyń Otanyna degen súıispenshiligin arttyrý, otbasy, bilim berý mekemeleri, jalpy qoǵam birlese atqaratyn keleli másele retinde mańyzdylyǵyna toqtaldy»,- dep atap ótti spıker.
Onyń aıtýynsha, Memleket basshysynyń «Qazaqstan halqyna» qoǵamdyq qoryn qurý týraly tapsyrmasy – kezek kúttirmeı sheshilýge tıisti ózekti áleýmettik máselelerdiń sheshimin tabýǵa úlken qoldaý bolatyndyǵy sózsiz.
«Qoǵam aldyndaǵy jaýapkershilikti, órkenıetke qosar úlesin Qazaqstan ınjenerlik-tehnologııalyq ýnıversıteti ujymnyń árbir múshesi sezinedi. Elimizdiń órkendeý jolynda ujym bolyp bir jaǵadan bas, bir jeńnen qol shyǵaryp, adal eńbegimizben úles qosamyz.
Elimizdiń basty qundylyǵy – Táýelsizdigimizdi kózimizdiń qarashyǵyndaı saqtap, jańa Qazaqstannyń damý jolynda Memleket basshysy kótergen máselelerdiń sheshimin tabatyndyǵyna senemiz», - dedi Gúlnar Sársenbekova.
